इंजीनिअर्स उमेदवारांसाठी भारत सरकारच्या मोठ्या कंपनीत नोकरी मिळवण्याची सुवर्णसंधी उपलब्ध झाली आहे. भारत हॅव्ही इलेक्ट्रिकल्स लिमिटेड (BHEL) कडून प्रोजेक्ट इंजीनिअर आणि प्रोजेक्ट सुपरवायझर पदांसाठी भरती जाहीर करण्यात आली आहे.
इलेक्ट्रिकल, सिव्हिल, मॅकेनिकल आणि विविध विभागांमध्ये BHEL भरती करणार आहे. यासाठी, इच्छुक आणि पात्र उमेदवार www.bhel.com या BHEL च्या अधिकृत वेबसाइटवर जाऊन 12 जानेवारी 2026 पर्यंत अर्ज करू शकतात.
काय आहे पात्रता?
प्रोजेक्ट इंजीनिअर पदांसाठी अप्लाय करण्यासाठी उमेदवारांकडे फूल टाइम इंजीनियरिंग/ टेक्नोलॉजी डिग्री किंवा पोस्टग्रॅज्युएट इलेक्ट्रिकल/ इलेक्ट्रॉनिक्स/ टेलीकम्युनिकेशन/ इंस्ट्रूमेंटेशन/ कंप्यूटर सायन्स क्षेत्रांत किमान 60 टक्के गुणांसह डिग्री असणं आवश्यक आहे. तसेच, एसटी (SC)/ एससी (SC) उमेदवारांकडे संबंधित क्षेत्रांत किमान 50 टक्के गुणांसह डिग्री असणं गरजेचं आहे. याव्यतिरिक्त, उमेदवारांकडे किमान 5 वर्षे कार्याचा अनुभव असणं महत्त्वाचं आहे. तसेच, प्रोजेक्ट सुपरवायझर पदावर नियुक्त होण्यासाठी संबंधित ब्रांचमध्ये इंजीनिअरिंगची डिग्री आणि 2 वर्षांचा अनुभव ग्राह्य धरला जाईल.
वयोमर्यादा: या भरतीसाठी उमेदवारांसाठी 25 ते 32 वर्षे उच्च वयोमर्यादा निश्चित करण्यात आली आहे.
किती मिळेल पगार?
प्रोजेक्ट इंजीनिअर पदावर नियुक्त झालेल्या उमेदवारांना दरमहा 95,000 रुपये ते 1,00,000 रुपये पगार दिला जाईल. तसेच, प्रोजेक्ट सुपरवायझर पदावर निवड झालेल्या उमेदवारांना दरमहा 45,000 ते 48,000 रुपये पगार दिला जाईल.
कसा कराल अर्ज?
1. या भरतीमध्ये सहभागी होण्यासाठी उमेदवारांनी careers.bhel.in या अधिकृत वेबसाइटला भेट द्या.
2. त्यानंतर, Recruitment सेक्शनमध्ये जाऊन संबंधित भरतीच्या Apply Online लिंकवर क्लिक करा.
3. आता, बेसिक माहितीच्या आधारे रजिस्ट्रेशनची प्रक्रिया पूर्ण करा.
4. त्यानंतर, वेबसाइटवर लॉगिन करून आवश्यक माहिती काळजीपूर्वक भरा.
5. सर्व वैयक्तिक तसेच शैक्षणिक माहिती भरल्यानंतर पासपोर्ट साइज फोटो आणि सही स्कॅन करून अपलोड करा.
6. शेवटी, ऑनलाइन माध्यमातून अर्जाचं शुल्क भरा आणि फॉर्मची फायनल प्रिंटआउट काढून ती सुरक्षितरित्या ठेवा.
अर्जाचं शुल्क
या भरतीसाठी अर्ज करण्यासाठी उमेदवारांना 236 रुपये शुल्क भरावं लागेल. NEFT/UPI मधून ऑनलाइन माध्यमातून उमेदवारांनी अर्जाचं शुल्क भरा. या भरतीशी संबंधित अधिक माहितीसाठी उमेदवार BHEL च्या अधिकृत वेबसाइटला भेट देऊ शकतात.