केंद्र सरकारच्या न्यूक्लियस बजेट अंतर्गत महाराष्ट्रातील अनुसूचित जमातींतील लाभार्थ्यांसाठी एक महत्त्वपूर्ण योजना सुरू करण्यात आली आहे. या योजनेच्या माध्यमातून ग्रामीण भागातील आदिवासी बांधवांना आर्थिक स्थैर्य, रोजगार आणि शिक्षणासाठी विविध उपकरणे व मदत मिळणार आहे. यासाठी ३१ जुलै २०२५ पर्यंत ऑनलाइन अर्ज करता येणार आहेत.
काय मिळणार या योजनेत?
या योजनेत लाभार्थ्यांना 100% अनुदानावर काटेरी तार कुंपण, मिनी डाळ मिल, पिठाची गिरणी, महिलांसाठी शिलाई मशीन आणि विद्यार्थ्यांसाठी लॅपटॉप देण्यात येणार आहेत. याशिवाय ब्युटी पार्लर प्रशिक्षण, शेळीपालन यासाठी 85% अनुदान यासारख्या विविध योजना राबवल्या जात आहेत. या सुविधांमुळे स्थानिक पातळीवर रोजगार निर्माण होणार असून, उत्पन्नातही वाढ होईल.
अर्ज कसा करायचा?
अर्ज करण्यासाठी nbtribal.gov.in या वेबसाईटवर जाऊन नोंदणी करावी लागेल. नोंदणी करताना तुमचं नाव, मोबाईल नंबर, ईमेल आयडी, आधार नंबर, पॅन नंबर, फोटो आणि पत्ता या गोष्टी भराव्या लागतील. जिल्हा, तालुका आणि संबंधित प्रकल्प कार्यालय याची निवड करणे गरजेचे आहे. जर तुमचं गाव यादीत नसेल तर ‘जोडा’ या पर्यायावर क्लिक करून गाव जोडलं जाऊ शकतं.
नोंदणीनंतर मिळालेल्या लॉगिन क्रेडेन्शियल्सच्या मदतीने वेगवेगळ्या योजनांसाठी अर्ज करता येतो. ३१ जुलै ही अंतिम मुदत असल्यामुळे इच्छुकांनी लवकरात लवकर अर्ज करावा. अधिक माहितीसाठी एनबी ट्रायबल पोर्टलवरील सूचना फलक आणि “पीओ निहाय योजना” हे पर्याय तपासावेत.
योजनेचा लाभ अर्ज प्रकिया व इतर माहिती
अर्ज अंतिम मुदत: ३१ जुलै २०२५
वेबसाईट: https://nbtribal.gov.in
लाभार्थी: अनुसूचित जमातीतील नागरिक प्रकल्प कार्यालयाच्या निवडीनुसार योजना
अर्जाची प्रक्रिया: पूर्णपणे ऑनलाइन
Disclaimer: वरील माहिती ही अधिकृत सरकारी GR, nbtribal.gov.in पोर्टल आणि प्रकल्प कार्यालयाच्या घोषणांवर आधारित आहे. योजनांसाठी पात्रता, लाभ आणि प्रक्रिया वेळोवेळी बदलू शकतात. अर्ज करण्यापूर्वी अधिकृत संकेतस्थळावर जाऊन संपूर्ण माहितीसह GR तपासावा.
FAQs: वारंवार विचारले जाणारे प्रश्न
1. या योजनेचा लाभ कोण घेऊ शकतो?
अनुसूचित जमातीतील महाराष्ट्रातील रहिवासी या योजनेस पात्र आहेत.
2. किती टक्के अनुदान मिळते?
तार कुंपण, शिलाई मशीन, गिरणी यासाठी 100% तर शेळीपालनासाठी 85% पर्यंत अनुदान दिलं जातं.
3. ऑनलाइन अर्ज कसा करावा लागतो?
nbtribal.gov.in या वेबसाईटवर नोंदणी करून लॉगिन केल्यावर योजना निवडून अर्ज करता येतो.
4. कोणकोणत्या यंत्रांचा समावेश आहे?
पिठाची गिरणी, मिनी डाळ मिल, शिलाई मशीन, लॅपटॉप, शैक्षणिक साधने, आणि तार कुंपण यांचा समावेश आहे.
5. अर्ज केल्यावर पुढील प्रक्रिया काय असते?
अर्ज प्रकल्प कार्यालयात पोहोचवला जातो, नंतर पात्रता पडताळणी होऊन लाभ मंजूर होतो.