स्वतःचं घर असावं, हे प्रत्येकाचं स्वप्न असतं. मात्र, घरांच्या वाढत्या किमती पाहता अनेकांना गृहकर्जाचा आधार घ्यावा लागतो. गृहकर्जाचा कालावधी साधारणपणे 15 ते 30 वर्षांपर्यंत असतो. त्यामुळे दर महिन्याला EMI भरताना मोठी रक्कम व्याजापोटी खर्च होते. मात्र, योग्य आर्थिक नियोजन केल्यास दीर्घकाळाचं गृहकर्ज लवकर फेडणं शक्य आहे.
तुमचं 20 वर्षांचं गृहकर्ज असेल, तर काही आर्थिक शिस्तीच्या सवयी लावून त्याचा कालावधी मोठ्या प्रमाणात कमी करता येऊ शकतो. यासाठी पुढील पाच उपाय उपयोगी ठरू शकतात.
शेतकऱ्यांसाठी मोठी गुडन्यूज, कर्जमाफीचा पहिला हप्ता वितरित, कर्जखात्यावर थेट रक्कम जमा
1. वर्षातून एक अतिरिक्त EMI भरा
दरवर्षी नियमित EMI व्यतिरिक्त आणखी एका EMI एवढी रक्कम कर्जाच्या मुद्दलात जमा करण्याचा प्रयत्न करा. त्यामुळे कर्जाची मूळ रक्कम वेगाने कमी होते आणि पुढील काळात आकारलं जाणारं व्याजही कमी होतं.
2. दरवर्षी EMI वाढवा
पगार किंवा व्यवसायातील उत्पन्न वाढल्यास त्याचा काही भाग गृहकर्जासाठी वापरता येतो. दरवर्षी EMI मध्ये साधारण 5 ते 10 टक्के वाढ करण्याचा पर्याय विचारात घ्या. उत्पन्न वाढत असताना EMI वाढवल्यास कर्जाचा कालावधी लक्षणीयरीत्या कमी होऊ शकतो.
iPhone 17 Pro वर मोठी ऑफर! ₹1,34,900 चा फोन आता ₹1,26,900 मध्ये; थेट ₹8,000 ची बचत
3. बोनस आणि अतिरिक्त उत्पन्नाचा वापर करा
वार्षिक बोनस, कर परतावा, गुंतवणुकीतून मिळालेली अतिरिक्त रक्कम किंवा इतर अनपेक्षित उत्पन्न पूर्णपणे खर्च करण्याऐवजी त्यातील काही भाग गृहकर्जाच्या प्रीपेमेंटसाठी वापरता येतो. मोठी रक्कम मुद्दलात जमा केल्याने व्याजाचा भार कमी होण्यास मदत होते.
मुंबई उच्च न्यायालयात नोकरीची सुवर्णसंधी! चौथी पास उमेदवारांकडून अर्ज मागवले; 52 हजारांपर्यंत पगार
4. कमी व्याजदराचा पर्याय तपासा
दुसरी बँक किंवा वित्तीय संस्था तुमच्या सध्याच्या कर्जापेक्षा कमी व्याजदर देत असेल, तर होम लोन बॅलन्स ट्रान्सफरचा पर्याय तपासता येतो. मात्र, ट्रान्सफरपूर्वी प्रक्रिया शुल्क, इतर आकार आणि प्रत्यक्ष होणारी बचत यांचा हिशोब करणे आवश्यक आहे.
5. फ्लोटिंग रेट कर्जाचा योग्य वापर करा
फ्लोटिंग व्याजदराच्या गृहकर्जात अतिरिक्त प्रीपेमेंट करण्याची सुविधा अनेक कर्जदारांसाठी उपयुक्त ठरू शकते. उपलब्ध बचत असेल तेव्हा अतिरिक्त रक्कम मुद्दल कमी करण्यासाठी वापरल्यास कर्जाचा कालावधी आणि एकूण व्याज दोन्ही कमी होण्यास मदत होऊ शकते.
थोडक्यात, गृहकर्ज लवकर फेडण्यासाठी केवळ मोठं उत्पन्न आवश्यक नाही; तर सातत्यपूर्ण नियोजन आणि आर्थिक शिस्तही महत्त्वाची आहे. EMI मध्ये हळूहळू वाढ, नियमित प्रीपेमेंट आणि अतिरिक्त उत्पन्नाचा योग्य वापर केल्यास 20 वर्षांचं कर्जही अपेक्षेपेक्षा लवकर संपवण्याचा मार्ग तयार होऊ शकतो.
टीप : प्रत्यक्ष बचत आणि कर्जाचा कालावधी हा कर्जाची रक्कम, व्याजदर, EMI आणि प्रीपेमेंटच्या अटींवर अवलंबून असतो.